Paralajmërimi i fortë i PD: Xhafaj të largohet një orë e më parë, po prish provat e lidhjeve të vëllait me trafikun e drogës

Politik
Typography

Me anë të një statusi në facebook, nënkryetari i Partisë Demokratike, Edi Paloka ka rikërkuar largimin nga detyra të ministrit Xhafaj një orë e më parë.

Paloka ka renditur edhe 4 pasojat që sjell mosdorëheqja e Xhafajt dhe qëndrimi i tij akoma në zyrën e Ministrit te Brendshëm.

Statusi i plotë:

Pse hesht Ministri i Brendshëm?

Fatmir Xhafaj duhet të jetë rasti i vetëm në botë që kapet në flagrancë duke shkelur ligjin dhe fshihet pas karriges së Ministrit të Brendshëm.

Kanë kaluar më shumë se 24 orë që kur shqiptarët panë sesi vëllai i Ministrit të Brendshëm kapet në pazare droge, por Fatmir Xhafaj bën sikur nuk ka ndodhur asgjë.

Fatmir Xhafaj duhet të largohet një orë e më parë.

Çdo orë në zyrën e Ministrit të Brendshëm:

Prish provat e lidhjeve të të vëllait me trafikun e drogës
2. Pengon hetimin e të vëllait për trafik droge
3. Pengon arrestimin e tij për vuajtjen e dënimit me 7 vjet e dy muaj burg.
4. Pengon zbatimin e ligjit antimafia.